عاصم نور  
![   ](https://i.servimg.com/u/f48/12/98/11/22/110.gif)
![عاصم نور](https://2img.net/u/3315/11/74/61/avatars/12-13.jpg)
عدد المساهمات : 14 تاريخ التسجيل : 26/03/2011 الموقع : مصر العمل/الترفيه : اعمال حره المزاج : رومانسى
![الشاعر الرائع هشام الجخ Empty](https://2img.net/i/empty.gif) | موضوع: الشاعر الرائع هشام الجخ الأحد مارس 27, 2011 9:15 pm | |
|
السلام عليكم ورحمه الله
يسعدنى أن أقدم لكم اليوم قصيده جميله للشاعر الصعيدى المصرى
هشام الجخ الذى ألهب مشاعر ثورتنا البيضاء بـــ مشهد رأسى من ميدان التحرير على أن نتواصل من خلال كتاباته الرائعه
جحا
شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة مش لاقى تطفح اديك هاتولنا وجبولنا وادونا ودولنا هنجيب منين نديك طافح يابلدى غدايا ولوعتى غدايا وادىالاحبه التقى عدايا
أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف
كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل يا مزة وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لجل الغزاة ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى حبس اعتباطى يعنى ايه مش حاسة بالعمر وغلاوته بتصبى مر العمر ليه دة انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى ا نا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه بتكرهينى عيونك السودة وأيامى اللى فاتت مانتيش حبيبيتى من النهاردة حبيبتى ماتت علا صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهلترى خاينة ولا زيى مغصوبة كل الكلام اتقال والشعر بقى ماسخ والصبر علو جبال والظلم شىء راسخ وطن وغرقان فى النطاعة كل شىء ريحته نطاعة علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فمتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق؟ غير المشاكل والخناق كل اللى بيقولك بحبك دول نفاق أنا لما قلت لك بحبك كان نفاق الحب يعنى اتين بيدوا مش ايد بتبنى وستميت تيت تيت يهدو الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف علشان رسالة يعنى احس بقيمتى فيكى إنى مش عايش عوالة يعنى لما اعرق تكافئيى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة بارت مراعينا والبئر قد جفَ والجوع يكوينا والصبر ما كّفى والقلب لا يهدا والجرح لا يشفى ولأننا طوع زنا لهم خفا جاءوا بموكبهم واشتغلت الزفة الدفة مظبوطة وأصلا مافيش دفة والكفة مش مايلة علشان مافيش كفة و جحا اللى جاى بالليل لساه بيتخفى شايف ديدان الغيط
سارحة ومارحماشى من جبنه شاف الدود سابه وراح ماشى ولا اتكسف للناس ولا حس على طوله الناس عشمها كبير جريوا بيشكوله ضحك جحا ضحكة مواشى مادام بعيد عن طينى ... ماشى الدود قاعد لك يا جحا ولابد فى طينك بعد ما يمص فى دمانا مش حيحلاله الا طينك احنا اهلك احنا رجالتك أمانك إحنا وقت الشدة سندك إحنا زادك يا جحا احمى ولادك لو كنت عايز تحمى طينك سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف
هاشحت وطن لله
تحياتى نوور
| |
|
اميره الرومانسيه  
![   ](https://i.servimg.com/u/f48/12/98/11/22/110.gif)
![اميره الرومانسيه](https://2img.net/u/3315/11/74/61/avatars/8-31.jpg)
عدد المساهمات : 5 تاريخ التسجيل : 26/03/2011 العمر : 33 المزاج : رومانسيه
![الشاعر الرائع هشام الجخ Empty](https://2img.net/i/empty.gif) | موضوع: رد: الشاعر الرائع هشام الجخ الأحد مارس 27, 2011 11:19 pm | |
| حقيقى احلى قصيده لي انا بحب اسمعهااا تسلم ايدك | |
|
عاصم نور  
![   ](https://i.servimg.com/u/f48/12/98/11/22/110.gif)
![عاصم نور](https://2img.net/u/3315/11/74/61/avatars/12-13.jpg)
عدد المساهمات : 14 تاريخ التسجيل : 26/03/2011 الموقع : مصر العمل/الترفيه : اعمال حره المزاج : رومانسى
![الشاعر الرائع هشام الجخ Empty](https://2img.net/i/empty.gif) | موضوع: رد: الشاعر الرائع هشام الجخ الإثنين مارس 28, 2011 12:08 am | |
| - اميره الرومانسيه كتب:
- حقيقى احلى قصيده لي انا بحب اسمعهااا تسلم ايدك
اميره تسلمى لمرورك العطر دمتى بخير تحياتى نوور | |
|
shekoo  
![   ](https://i.servimg.com/u/f48/12/98/11/22/110.gif)
![shekoo](https://2img.net/u/3315/11/74/61/avatars/23-92.jpg)
عدد المساهمات : 24 تاريخ التسجيل : 28/03/2011 العمر : 38 المزاج : عاشق
![الشاعر الرائع هشام الجخ Empty](https://2img.net/i/empty.gif) | موضوع: رد: الشاعر الرائع هشام الجخ الثلاثاء مارس 29, 2011 11:42 am | |
| استاذ عاصم اشكرك لروعة انتقائك
فهذه من روائع الثوري هشام الجخ
جحا من اجمل ماكتب هشام
تحياتي لك ولروعة بوحك | |
|
رغاية جنون العاشقين  
![   ](https://i.servimg.com/u/f48/12/98/11/22/110.gif)
عدد المساهمات : 24 تاريخ التسجيل : 28/03/2011 العمر : 32 العمل/الترفيه : رغاية المزاج : يالذيذ يارايق
![الشاعر الرائع هشام الجخ Empty](https://2img.net/i/empty.gif) | موضوع: رد: الشاعر الرائع هشام الجخ الثلاثاء مارس 29, 2011 1:39 pm | |
| الهويس وهل يخفى القمرر .....
احلى شااعر ومن احلى ماكتب جحااا ..اشكرك واشكر حسن اختيارك | |
|
جنون أنثى  
![   ](https://2img.net/h/img102.herosh.com/2011/02/26/832820705.gif)
![جنون أنثى](https://2img.net/u/3315/11/74/61/avatars/1-47.png)
عدد المساهمات : 29 تاريخ التسجيل : 23/03/2011 العمر : 32 المزاج : هادىء
![الشاعر الرائع هشام الجخ Empty](https://2img.net/i/empty.gif) | موضوع: رد: الشاعر الرائع هشام الجخ الجمعة أبريل 01, 2011 12:51 pm | |
| شاعر يتميز بحسن الاداء وحسن التعبير عن هموم بلده وزى ما قالت ريم وهل يخفى القمرفعلا هشام الجخ شاعر قدر يثبت نفسه بسرعة كبيرة وده بسبب رقى احساسه أحسنت االاختيار أستاذ عاصم وننتظر منك المزيد | |
|